موقع أونلي ليبانون الإلكتروني

ابنة فيروز تهاجم “رجال العيلة” الرحبانيّة

تطفو الخلافات داخل العائلة الرحبانيّة مرّة جديدة الى سطح الإعلام. لم تعد اللقاءات الإعلاميّة مع أفراد هذه العائلة تركّز على إنتاجاتها الفنيّة بقدر التركيز على السجالات بين الجيل الثاني لأشهر عائلة فنيّة في لبنان.

أما جديد هذه السجالات فهو ما ورد في مقابلة أجرتها مجلة “الحسناء” مع الآنسة ريما الرحباني، ابنة الراحل عاصي الرحباني والسيّدة فيروز، حيث هاجمت بشراسة أبناء عمّها الراحل منصور الرحباني، كاشفةً عمّا اعتبرته “مخطّطاً لإسكات فيروز وتذويب الأخوين بالرحابنة الجدد”.

وفي موقف لافت ومباشر في توجيه أصابع الاتهام الى من وصفتهم بـ “رجال العيلة”، خصوصاً أنّها الفتاة الوحيدة للإخوة عاصي ومنصور والياس الرحباني، كتبت ريما على صفحتها الخاصّة على موقع “الفايسبوك” منذ أيّام، عقب ما ورد في عددٍ من وسائل الإعلام اللبنانيّة عن “قرصنة” فرقة موسيقيّة إسرائيليّة لأغاني الرحابنة والسيّدة فيروز:

“إجاني رسايل كتير بهاليومين وتاغ من كل حدب وصوب.. وسألوني الناس كتير إنّو ولو!! ما على بنا كرم العلالي عنقودو لنا، وع إسمك غنّيت وع إسمك رح غنّي.. إيه شو القصة!؟
أكيد معن كل الحق يسألوا لأن متل ما علّموني هنّي علّموني.. علّموهن إلهن كمان.. بس انا مساقبة حلّفتني إمي ما حاكي حدا وقالتلي يا امي إيّاكي العِدا.. وفجأة نسّم علينا الهوا.. لذا أنا بدوري بحوّل هالإسئلة للشبيبة وقبضايات العائلة الرحبانية بصفتهن ورثة ورجال العيلة بنفس الوقت هنّي ومحاميهن القبضاي اللي كمان مساقبة من العيلة.. واللي مجموعين وعدونا ذات صيف إنهن سيتصدّوا لكل من تسوّله نفسه التعدّي على الحقوق!! إيه وينن؟ ما الفظايع والتباديع عم تحصل بهالإرث من توركواز وغير ألوان!! وينن ما سمعنالن حس؟ والا ما شاطرين إلا على فيروز!!؟؟
وينو الشُوَيْعِر ما نظّر وفهّم توركواز إنّو هول مش أغاني فيروز هول أغاني الرحابنة!!”.

قد يعجبك ايضا