موقع أونلي ليبانون الإلكتروني

أمن شخصية مهمة يفتش ديما صادق وسكان بنايتها

علقت الاعلامية ديما صادق عبر صفحتها الخاصة على موقع التواصل الاجتماعي “فايسبوك” على حادثة حصلت معها مساء الأمس مع عناصر قوى الأمن الداخلي في محيط منزلها، ما أثار ازعاجها وغضبها الشديد.

فكتبت ديما التالي :”مبارح بالليل واصلة بأمان الله على بيتي . فجاة بطب بوجي عاصفة صحراء قوى أمن داخلي عَل بوابة . بجي بدّي صف بالباركينغ بلاقي عاصفة صحراء تانية بقلب الباركينغ “.

“عنصر قوى الأمن : من فضلك صفي ع جنب بدنا نفتش السيارة ( ونحنا بقلب الباركينغ من جوا، يعني أكيد املاك خاصة) “.
“انا : نعم ؟! ”

“عنصر قوى الأمن : من فضلك بدنا الكلب يشم السيارة” .

“انا : نعم ؟! أكيد شكلي عّم شوف و اسمع غلط “.

“العنصر : مدام في شخصية كتير مهمة معزومة لعندكم عالبناية ولازم نفتش كل السكان” .

“انا : حبيبي هيدا بيتي انا و الشخصية اللي عّم تحكي عنها مين ما كانت تكون هي اللي جاي لعندي عالبناية، يعني هي ضيفة و انا صاحبة الملك ، بأية منطق انا اللي بدّي اتفتش و اخضع لقوانينها؟!!!”

“واقعة صغيرة ، تروي الكثير عن كيف ينظر حكام هذا البلد لمواطنيه. نحن اصحاب حق و ملك، و هم ضيوف سمجين وقحين يمارسون سلطة ليست من حقهم “.

قد يعجبك ايضا