موقع أونلي ليبانون الإلكتروني

مضمون اللقاء الكامل بين سماحة وكفوري

في محضر صادرٍ عن شعبة المعلومات في العشرين من تموز عام 2012، يشرح المحضر أن كفوري حضر إلى مركز الشّعبة وروى أنه ومنذ مدة اتصل به سماحة لكونه على علاقة معرفة به، طلب مقابلته بأسرع وقت في منزله في الجوار.
توجه كفوري إلى منزل سماحة الذي أبلغه أن اللواء علي مملوك يهديه السلام ويريد منه خدمة، وهي تنفيذ عمليات تفجير واغتيالات في منطقة عكار وأن اللواءَ مملوك على استعدادٍ لتوفير الطلبات اللوجستية والماديةِ اللازمةِ للتنفيذ.
محضر شعبة المعلومات يوحي بأن الاتصال الأول كان بطلب من سماحة والمملوك في تناقض واضح مع شهادة سماحة في التحقيق نفسه الذي حصلت الجديد على نسخة منه أيضاً.
شهادة توضح أن كفوري هو من بادر الى الاتصال، وتحديداً في التاسع عشر من أيار 2012، أي قبل شهرين وخلافاً لمحضر شعبة المعلومات.
يقول كفوري لسماحة “أنا جاي قلك شي.. بدي تبلغ صحابنا انه بدي اخدمهم. انا جاي قلك هلشي وبدي اعمل قرشين نضاف، أوضاعي المادية مش منيحة وبدي استفيد من هالشغلة وهني بيعرفوا ويقدروا. أنا عم بعرض حالي للمساعدة، خليهن يطلبوها بواستطك.. ويشوفوا الشغل”.
لسنا بصدد إثبات من بادر الى طلب الخدمات. الأهمّ من ذلك، سبب امتناع المعلومات عن نشر اللقاء الأول الذي جرى بينَ سماحة وكفوري في الحادي والعشرين من تموز عام 2012، أي بعد يوم من تجنيد كفوري مخبرا سريا. ولأن المعلومات امتنعت ستعرض الجديد اللقاء الأول بكلّ تفاصيله من دون اجتزاء، متوقفينَ في الوقتِ نفسه عند معلومات جديدة وتناقضات لم تكشف عن قصد أو من غير قصد، ستعود اليها الجديد.

بعد التطمينات والسلامات..

مخبر: نحن مطمنين عوضعنا ما في شي؟ وانت مطمن

سماحة: منيح

مخبر: طيب حبيب بدي منك شغلة
طيب أول شي رح الك شغلة أجانب بعكار
في سيارات ديبلوماسية ولوحات ديبلوماسية وسيارات أجار
عم يتحركو بكثافة بالمنطقة نص ساعة تلات أرباع الساعة،
هيدي ما بوقفوا حواجز الجيش،
المفروض متل عند اصحابنا، كل واحد بمر،
بيتسجل، لانو هيدي منطقة عسكرية صح؟
وهيدا شي مش عم بصير على حد علمي انتبه عحد علمي
بدي ارجع كرر نحنا بدنا نكفي بالموضوع؟ ولا صاحبنا شو توجيهاته بدو يكفي؟

سماحة: بدو يكفي وبدو يعرف اذا فينا نعمل علميات بدو يعمل؟

مخبر: أوكي طيب انا يعني..
انت بتعرف انا هي الشغل الكن عندي فيني بعملها
بس تحت سلطتي انا بدي صاحبنا يعرف انو لازم يحميلي عيلتي
اذا في حال لا سمح الله صار شي،
لأنو بالاخر مش رح نقضي عمرنا،
يعني بالاخر، بروح بالمغليطة عرفت عليي كيف؟

سماحة: في أربع أشخاص

مخبر: بس هاو الي بيعرفو بالعملية بس؟

سماحة: الكبير وهوي وانا وانت

مخبر: بس هاو الي بيعرفو بالعملية ما في غيري مكلف؟

سماحة: وبلبنان ما في حدا بيعرف وقت في بضاعة
بيصلوها مطرح اللي منقلن
منقلوا بوصلا من دون ما يعرفو،
لا مين ولا كيف ولا وين ولا شو بدو يصير
مخبر: بس هوي بدو يحددلي الاهداف لسبب
جماعتي ما بيقدرو يحددو اهداف عشوائية
يعني بدو يحدد اهداف محددة ليرصدو وينفذو ساعة يلي بيكونو فيها مرتاحين.. هني تلات أشخاص، المتطلبات هاي بعد اجتماعات مكررة انا واياهن توصولو انو هني بحاجة لها الغراض هاو (تسليم كفوري مغلف بلائحة الاسلحة)

سماحة: حقيبة او مستوعب كرتونة شو يعني؟

مخبر: يعني انتبه انا قعدت انا واياهن هني، بعبوهن.. رح قلك شو قلتلن، بدك الصراحة هني ضد 14 آذار حكماً، واحد منن امو مجوزة فلسطيني، وانت بتعرف راسي.. انا بالاسامي ما بعطي أسامي.

سماحة: لا ما بدي اسامي ما شغتلي

مخبر: انا قالولي سجل سجلت، كتوب كتبت، قالولي انت خينا وحبيبنا،
اذا كانوا الجماعة فهمانين بالموضوع لازم يعرفوا نحنا شو طالبين.

حوار مع الحاجب (تبع القهوة)

مخبر: هلق في قسم الي سألت انا عنو بيتأمن من هون مثلاً دراجة مسروقة سيارة مسروقة هني بأمنوها مع وراق مزورة

سماحة: بالاهداف..

مخبر: هلق حسب الاهداف الي بدنا ياها بيختارو،
بيختارو أي مواد لازم، يعني هيدي (أي اللائحة) في الحالات كلها،
هلق بالاستثنائيات بيختارو أي وحدي بدن يشتغلو فيها.

سماحة: هاي لكل وحدي؟

مخبر: بالضبط لكل وحدي

سماحة: لكل عملية؟

مخبر: بالضبط نحن عم نحكي عوحدي بالكميات

سماحة: بالاهداف؟

مخبر: بالاهداف بدنا نحدد
هني قالولي (أي المساعدين الثلاث)
طبيعة العملية يمكن اذا لقينا مكان في أجانب بدنا نضطر انزل المكان عروسن
واذا لقينا في أماكن بس نعمل رعب بالمنطقة أو تحضيراً لفتنة بين طايفة وطايفة
بدنا ننقي أهداف تأثر عالشارع.
بقلي التاني انو هاي حالات نحن مش عايشين بالصومال نحن عايشين بلبنان نحن عايشين بيناتن مخابرات الجيش موجودة المعلومات موجودة أمن الدولة مخابرات أجنبية، وكمال الخير، وجهاد الصمد، ما فينا الا ما نحدد الهدف تنقدر نشتغل برياحتنا وننجح.

سماحة: طبيعة الاهداف أولاً ما بدي تطلع رد الفعل جوا عالعلوية، طبيعة الاهداف أماكن تواجد مقاتلين سوريين هني بيعرفوها أكتر مين

مخبر: مزبوط قالولي عنها موجودة

سماحة: القيادات اللبنانية الي عم تتعاطى معن، واذا شي مغلغل يعني أثناء وجود هوديك معن بمكان تواجدن بينعمل شي.. هني بيرصدو.
فيهم يعرفو اذا بيقدرو أو ما بيقدروا.
القيادات اللبنانية الي داعميتن في اماكن تواجدهن. الاماكن الي ما فيها جيش لبناني وهني اخدين راحتهن فيها تيفجرين تلاتة فيها،
مما يخلق الرعب ويزيد الحذر بس هني بدن يعملوا حسابن انو بس تعملا لهاي، ما فيك ترجع تعملا بذات المحل لأنو بصيروا حذيرين. بتنعمل مرا..

مخبر: بدو يتحدد هدف يكون في زبدة

سماحة: هيدي هيي. هلق بيشوفوا. هوي اذا عندن أهداف محددة كمان منجيب تكاليفها؟
مخبر: هلق شوف بالنسبة للتكاليف قبل التكاليف، بدي الك شغلة بجديتها للعملية.
نحن بهمنا لا سمح الله.. تعيشو. نقدر نعطي عيلته مادياً لانو هيدا الاتفاق الي صار انا واياهن
ما بيعترف عشي لو بدو ياكل قتل بس عيلتو مأمنة بالحد الادنى.
لما بدو يبلش بالتنفذ يكون معو، مش حيعودو يترددو عأساس بيتاجرو بالخضرا….. بالنسبة لالي يعني انت لازم تعرف، لو ما هني عم يطلبو أنا ما بعمل هيك شغلات، هلق ليش صار الاختيار عليي بتحور وبتدور براسي ما عم لاقي جواب.

سماحة: الثقة الثقة الثقة لما بتقول ما بقدر يعني ما تقدر.. في حرص عليكن وحرص من خلالكن عالناس يلي بدا تعمل انو يروحو ويعملو ويضحو لذلك وقع الخيار ولك القرار.
يعني بتقول اي… ممتاز، بتقول لا متفهمين.
تنين هاي شغلة الامان فيها أمن.. وأمن الناس والثقة هني الاساس.
مش انو والله عنا شبكة هيك وروحو شغلوها.. أنا ما بعمري عملت قصص من هالنوع.

مخبر: رح قلك شغلة انا بريدك تكون الجماعة يعني صاحبنا هوي بيعرف قيمة هالشغل
انا بالنسبة لإلي جماعتي لازم ريحن، انت بتعرف راسي بهل موضوع كنت اتدين لأدفع لجماعتي.. انت برأيك أديش لازم تكون الدفعة الاولى اذا هالاشياء ممكن تتأمن

سماحة: بتتأمن بتتأمن

مخبر: وبنفس الوقت نحنا بحاجة لشغلتين مش مذكورين انا بحاجة لمسدسين كاتم للصوت

سماحة: أوكي
مخبر: ما نذكرو بالورقة، ما بدن بندقيات في حال نزركو يروحو.. بدون شي تيقدرو يغادرو المنطقة الي هني فيها من دون ما حدا يشوف.. هلق التقدير المادي

سماحة: يا خيي قلي هيدي الشغلة أونكور..
بتقلي بدي هلقد هلقد بدو ينضاف أهداف هيدا طبيعي.
مخبر: اذا تأمن 200 ألف بيعطي كل واحد منن مرته 50 ألف وبيتسهلو بدن يأمنو السيارة والموتسيكل، انا تركني عجنب هلق شي بيرجع صاحبنا يقدر بدي ابعتلو هلقد.. شي بيرجعلو.. اذا بدو يزيد أو ينقص

مخبر: أنا حسبت بس بدي بلش مع أنو في ثقة بعطييي باكيه 15 ألف دولار خلص لمرتك، بفهم حالي اني شبعتن من أول الطريق خاصة عمليات من هالنوع بدو يكون في ثقة والحمدالله انا عندي ثقة فيهن مليون بالمية.. اذا تختخ بالحبس وقرطو قتل ولا ممكن يحكي لأن عندو أخواتو برا
.. بس عطيتن وعد أنو اذا صار شي لا سمح الله العيلة انا بأمنها هلق شو تعليقك ما بعرف.

سماحة: انا طالع وبرجع وبتبلش.

مخبر: بدنا نتفق هون انت قلتلي ممكن يتأمن بضاعة محلياً انشالله

سماحة: بيقولو للحزب بحطن بمطرح الفلاني مخلص منشيلن ما بيعرفو لا مين ولا لوين ولا بيعرفو شي الجو هون كيف.

مخبر: والله الجو هون يطول عمرك اجاني انو نجيب مغير بحركتو بطريقة تعاطيه بالجلسات متل كأنو هم بلبط واحتمال اميركا والسعوديين واعدينو بالجلسات
مين بعد عنده بشار كل الحلقة راحت.

سماحة: ما بعرف في تغير بالقيادة القطرية
(نقاش سياسي بين المخبر وكفوري)
مخبر (يسأل بعد النقاش السياسي): طول عمرك أنا لازم أطلع؟

سماحة: اتفقنا انت ما بتبين

مخبر: يقبرني ربك

سماحة: انت ما تبين.

المصدر: الجديد

قد يعجبك ايضا